Albania
About SIPPO
Who we are
Programi Zvicerian i Promovimit të Importeve (SIPPO) është një mandat me eksperiencë të gjatë i Sekretariatit Shtetëror Zviceran për Cështjet Ekonomike në kuadër të bashkëpunimit për zhvillim ekonomik.
SIPPO ka si qëllim të integrojë më së miri, vendet në zhvillim në tregetinë globale. Ndërkohë që kompanitë në vendet në zhvillim, mund të kenë produkte të mira për të ofruar në tregjet e huaja, ato hasin vështirësi për të gjetur mënyrat e duhura për të kontaktuar blerësit potenciale. Njëkohësisht, ka dhe blerës nga vendet e zhvilluara, që shikojnë për furnitorë me produktet e duhura, por prokurimi i këtyre produkteve është një punë, që kërkon kohë të vlefshme.
Për këtë arsye, vëmendja e SIPPOs është të mbështesë “hallkën e fundit” në zinxhirin e vlerës, ku eksportuesit dhe blerësit takohen me njëri-tjetrin. Organizatat që Mbështesin Biznesin (OMB) janë pikat ku vendoset ura e bashkëpunimit në “hallkën e fundit” dhe që lehtëson hyrjen në tregjet dhe eskportet drejt Zvicrës, BE-së dhe tregjet rajonale.
Prandaj fokusi i SIPPOs është tërësisht në mbështetje të OMB-ve në vendet ku SIPPO vepron (organizata publike apo private, si organizata të promovimit të tregtisë, borde të promovimit të eksporteve, shoqata të sektorit privat, dhoma të tregtisë etj.) në përmirësimin e portofolit të shërbimeve, për promovimin e eksporteve, që ju japin antarëve eksportues në vendet e tyre.
Përmes skuadrave lokale kompetente të SIPPOs dhe në bashkëpunim me një rrjet të eksperteve ndërkombëtarë dhe kombëtarë, programi SIPPO rrit performancë e OMB-ve të përzgjedhura në dy drejtime:
1. Përmirësimi i cilësisë së aktiviteteve të promovimit të tregtisë përmes zhvillimit të kapaciteteve në studimin e tregjeve, pjesëmarrje në panaire, misioneve të blerësve dhe shitësve, si dhe tureve studimore.
2. Mbështetje e OMB-ve në zhvillimin e tyre organizativ, planifikimin strategjik dhe pozicionimin, menaxhimin e ciklit të projektit, ndarjes së njohurive dhe mësimit të vazhdueshëm.
SIPPO është aktive në 11 vende partnere dhe në 6 sektorë: Peshku dhe Prodhime deti, Ushqime të përpunuara, Përbërës bimorë natyralë, Përpunim Druri Teknik, Tekstilet me Vlerë të Shtuar dhe Turizëm i qëndrueshëm.
SIPPO po zbatohet nga Swisscontact, që nga viti 2017 në partneritet me BHP Brugger dhe Partnerët, Helvetas Swiss Intercooperation dhe është tani në Fazën e 2-të të tij (2021-2025)
